Пратеникот на ЛДП од Битола Горан Милевски, денеска доставил  амандмани на Буџетот на Република Македонија поврзани за Битола, по што бара средстава од Буџетот  за затворен базен, поради загадувањето што го трпат битолчани од РЕК-Битола, средства за доизградба на колекторски систем на Пелистер, меѓудругото и средства за  конзервација и заштита на објектот на црквата Свето Успение на Пресвета Богородица на Битолското Кале.

„Враќање на долговите на училиштата (Општина Битола треба да добие 2,5 милиони евра со новиот Закон за поддршка на општините)“. 

Инаку долговите во образованието се наследени од претходната власт и изнесуваа, според изјавите од Општина Битола, 4,5 милиони евра. Дел од долгот надлежните рекоа дека е намален, а сега со помошта од државата се очекува уште поголемо растоварување. 

Министерот за надворешни работи на Црна Гора, Срѓан Дармановиќ, изјави дека немале никакви можности да го спречат бегството на екс премиерот Никола Груевски додека минувал низ нивната држава.

„Ние не, ние немавме никакви можности , дејствувавме исклучиво според законите и прописите. Кога поранешниот македонскиот премиер ја поминуваше црногорската територија во автомобил со странски дипломатски таблици, тој не беше лице надвор од законот, имаше уредни патни исправи и нашите служби на безбедноста и полицијата,кои за тоа ги известија во партнерски однос и службите за безбедност на Македонија, немаа никави овластувања да делуваат поинаку отколку што делуваа. Сѐ друго би било пречекорување на овластувањата и веројатно нешто што тешко би го оправдале“, рече црногорскиот министер.

Од вчера започна откупот на тутунот од реколтата 2018 година во  регионите  на општините Битола, Новаци и Могила. Откупот на тутунот во Пелагонискиот регион ќе се извршува на 17 откупни места и тоа во населените места:Горно Оризари, Могила, Добромири, Дедебалци, Добрушево, Ивањевци, Трновци, Беранци, Лисолај, Драгожани, Лопатица, информираше подрачниот раководител на Министерството за земјоделство во Битола, Методија Илиевски.

Согласно Оперативната програма за одржување на улици во зимски услови од вчера попладне до денес во утринските часови исчистени се улиците од прв и втор приоритет , а исто така се исчистени и приодите кон сите села што  се дел од Општина Битола, информираше за апла.мк  Методи Силјановски директор на ЈКП „Нискоградба“-Битола.

-До денес наутро се  исчистени улиците од прв и втор приоритет , исто така и патиштата до сите села во рамките на нашата општина , само приодите кон селата Ореово и кон Кукуречани се исчитени до денеска напладне. Што се однесува до споредните улици во градот  тие се чистат од утрово и чистењето е се уште во тек, изјави Силјановски.

Ова видео е прозвод на големата љубов и поддршка кон учениците од ОУ „Климент Охридски“ од Битола кои се борат со Дијабтесот тип 1. Во нивната борба, се вклучени нивните соученици од II-4 одделение заедно со наставничка -Весна Аврамовска Димитровска. 

По повод сто години од Денот на примирјето во Првата светска војна, комеморација се одржа и на Германските гробишта во Битола каде се закопани илјадници жртви од германските воени трупи од војната.

Македонија се помирува со соседите и таа поставува камен темелник на новата изградба на Европа, рече францускиот амбасадор Кристијан Тимоние од комеморацијата по повод 100 години од крајот на Првата светска војна, што се одржа на на Фрнцуските и Германските гробишта во Битола.

Новинарот и хроничар Петар Ставрев раскажува дека политичарот Васил Тупурковски прв го откри мостот на Градешка Река во Зовиќ, пред култниот режисер Милчо Мачевски да го сними филмот „Прашина“ во 2001 година.

„Филмскиот мост “ во Мариово стана примамлив за филмските работници и посетителите кога во една политичка кампања Тупурковски се досетил токму оттаму да ја испрати пораката до гласачите. Потоа на мостот била снимена реклама за домашна здрава и еколошки чиста храна со актерот од битолскиот театар, сега покоен, Јосиф Јосифовски. Подоцна  режисерот Манчевски токму на мостот сними дел од својот филм „Прашина“.

Според Ставрев, мостот на Градешка Река од камен мост стана „филмски мост“ и почна да привлекува домашни и странски посетители да го фотографираат и да го сликаат, исто како и пејзажот околу него.

Градоначалничката Јасмина Гулевска после една година од преземањето на функцијата градоначалник на Општина Могила, во соопштение до јавноста откри дека  за една година власт  успеала да исплати повеќе од половина од наследениот долг на општината.

-Пред да ја преземам функцијата градоначалник бев свесна дека ќе се соочам со финансиски проблеми и долгови на општината. Ја презедов таа одговорност и се задолжив да работам чесно и транспарентно, граѓаните имаат право да ја знаат вистината за фактичката состојба на нашата општина.

По извршената внатрешна финансиска ревизија висината на долгот изнесуваше 30.437.408,00 денари.

И покрај малиот буџет со кој располага општината со гордост можам да кажам дека исплативме 17.141.726,00  денари.